ರಾಜ್ಯ ಸರ್ಕಾರ ಬರ ಪರಿಹಾರದ ಹಣ ಬಿಡುಗಡೆ ಮಾಡಿದೆ ಎಂಬುದು ರೈತರಿಗೆ ಗೊತ್ತಿರುವ ವಿಷಯ. ಆದರೆ ನಿಮ್ಮ ಖಾತೆಗೆ ಹಣ ಬಂದಿದೆಯಾ, ಎಷ್ಟು ಬಂದಿದೆ ಎಂದು ತಿಳಿಯಲು ಬ್ಯಾಂಕ್ಗೆ ಹೋಗಬೇಕಿಲ್ಲ. ಮೊಬೈಲ್ನಲ್ಲೇ ಕೆಲವೇ ನಿಮಿಷದಲ್ಲಿ ಚೆಕ್ ಮಾಡಬಹುದು.
ಈವರೆಗೆ ಏನಾಗಿದೆ?
ಮೊದಲ ಕಂತಿನ ₹2,500 ಅನ್ನು ಮೊದಲು ಯಾದಗಿರಿ ಜಿಲ್ಲೆಯ ರೈತರ ಖಾತೆಗೆ ಜಮೆ ಮಾಡಲಾಗುತ್ತಿದೆ ಎಂದು ಸರ್ಕಾರ ಹೇಳಿತ್ತು. ಆದರೆ ಎಲ್ಲರ ಖಾತೆಗೆ ₹2,500 ಬಂದಿಲ್ಲ. ಕೆಲವರಿಗೆ ₹2,000, ಇನ್ನು ಕೆಲವರಿಗೆ ₹1,500 ಜಮೆಯಾಗಿದೆ. ಇದರಿಂದ ಕೆಲವು ರೈತರಲ್ಲಿ ನಿರಾಶೆ ಮೂಡಿದೆ. ಉಳಿದ ಜಿಲ್ಲೆಗಳ ರೈತರಿಗೂ ಹಣ ಬರುತ್ತದೆಯಾ, ಎಷ್ಟು ಬರುತ್ತದೆ ಎಂಬ ಸಂಶಯ ಹಲವರಲ್ಲಿದೆ.
ಬರ ಪರಿಹಾರ ಸ್ಟೇಟಸ್ ಚೆಕ್ ಮಾಡುವ ಹಂತಗಳು
ಅಧಿಕೃತ ಪರಿಹಾರ ಪೋರ್ಟಲ್ ಲಿಂಕ್: https://parihara.karnataka.gov.in/service92/
- ಮೇಲಿನ ಲಿಂಕ್ ತೆರೆಯಿರಿ. “Bhoomi Online Parihara Input Subsidy Payment Details” ಪುಟ ಕಾಣಿಸುತ್ತದೆ.
- ವರ್ಷ: 2026-27 ಆಯ್ಕೆ ಮಾಡಿ.
- ಋತು: Kharif ಆಯ್ಕೆ ಮಾಡಿ.
- ವಿಪತ್ತು: Drought ಆಯ್ಕೆ ಮಾಡಿ.
- “Get Data / ಹುಡುಕು” ಬಟನ್ ಒತ್ತಿ.
- ಆಧಾರ್ ಸಂಖ್ಯೆ, ರೈತ ಗುರುತಿನ ಸಂಖ್ಯೆ (Farmer ID), ಮೊಬೈಲ್ ಸಂಖ್ಯೆ, ಸರ್ವೆ ನಂಬರ್ ಎಂಬ ಆಯ್ಕೆಗಳು ಕಾಣಿಸುತ್ತವೆ. ಇದರಲ್ಲಿ ಮೊಬೈಲ್ ಸಂಖ್ಯೆ ಆಯ್ಕೆ ಮಾಡಿ.
- ಹೊಸ ಪುಟದಲ್ಲಿ ನಿಮ್ಮ ಮೊಬೈಲ್ ನಂಬರ್ ನಮೂದಿಸಿ, “Fetch / ಪಡೆಯಿರಿ” ಒತ್ತಿ.
- ಮುಂದಿನ ಪುಟದಲ್ಲಿ ನಿಮ್ಮ ಪಾವತಿ ವಿವರ ಕಾಣಿಸುತ್ತದೆ.
ಯಾವ ವಿವರ ಕಾಣಿಸುತ್ತದೆ?
ಪಾವತಿ ವಿವರಗಳಲ್ಲಿ:
- ಜಿಲ್ಲೆಯ ಹೆಸರು
- ಬ್ಯಾಂಕಿನ ಹೆಸರು
- ಜಮೆಯಾದ ಮೊತ್ತ
- ಖಾತೆದಾರರ ಹೆಸರು
- ಬ್ಯಾಂಕ್ ಖಾತೆ ಸಂಖ್ಯೆ
- ಹಣ ಸಂದಾಯದ ಸ್ಥಿತಿ
- ಹಣ ಜಮೆಯಾದ ದಿನಾಂಕ
- ವಿಪತ್ತಿನ ಪ್ರಕಾರ ಮತ್ತು ಕಾಲ ವರ್ಷ
ಪರಿಹಾರಕ್ಕೆ ನಮೂದಾಗಿರುವ ವಿವರಗಳಲ್ಲಿ:
- ಆಧಾರ್ ಸಂಖ್ಯೆಯ ಕೊನೆಯ ನಾಲ್ಕು ಅಂಕಿ
- ಜಿಲ್ಲೆ, ತಾಲೂಕು ಮತ್ತು ನಿಮ್ಮ ಊರಿನ ಹೆಸರು
- ಸರ್ವೆ ನಂಬರ್
- ನೀವು ಬೆಳೆದ ಬೆಳೆ
- ಜಮೀನಿನ ಎಕರೆ ವಿವರ
ಹಣ ಇನ್ನೂ ಬಂದಿಲ್ಲ ಅಂದರೆ?
ಪರದೆಯಲ್ಲಿ “No Data Found” ಎಂದು ಕಾಣಿಸಿದರೆ ನಿಮ್ಮ ಖಾತೆಗೆ ಹಣ ಇನ್ನೂ ಜಮೆಯಾಗಿಲ್ಲ ಎಂದರ್ಥ. ಸ್ವಲ್ಪ ದಿನ ಬಿಟ್ಟು ಮತ್ತೆ ಪರಿಶೀಲಿಸಿ.
ಗಮನಿಸಿ
ಪರಿಹಾರ ಸ್ಟೇಟಸ್ ಚೆಕ್ ಮಾಡಲು ಸರ್ಕಾರಿ ಪೋರ್ಟಲ್ (karnataka.gov.in) ಮಾತ್ರ ಬಳಸಿ. ಹಣ ಬಿಡುಗಡೆ ಮಾಡಿಸಿಕೊಡುತ್ತೇವೆ ಎಂದು ಬರುವ ಅನಾಮಧೇಯ ಲಿಂಕ್ ಅಥವಾ ಕರೆಗಳಿಗೆ ಆಧಾರ್, ಒಟಿಪಿ ಕೊಡಬೇಡಿ.