Kotak Kanya Scholarship 2026: 12 ನೇ ತರಗತಿಯಲ್ಲಿ (ಪಿಯುಸಿ) %75 ಅಂಕಗಳನ್ನು ಗಳಿಸಿ, ಇಂಜಿನಿಯರಿಂಗ್, MBBS, ಆರ್ಕಿಟೆಕ್ಚರ್ ನಂತಹ ವೃತ್ತಿಪರ ಪದವಿ ಕೋರ್ಸ್ಗಳಿಗೆ ಸೇರಿಕೊಂಡಿರುವ ವಿದ್ಯಾರ್ಥಿನಿಯರಿಗೆ ಪ್ರತಿ ವರ್ಷ ₹1.5 ಲಕ್ಷ ಶಿಷ್ಯವೇತನ (Scholarship) ಸಿಗಲಿದೆ. ಅರ್ಜಿ ಸಲ್ಲಿಸಲು ಆಗಸ್ಟ್ 20, 2026 ಕೊನೆಯ ದಿನಾಂಕವಾಗಿದೆ.
ಈ ಶಿಷ್ಯವೇತನವು ಕೊಟಕ್ ಮಹೀಂದ್ರಾ ಗ್ರೂಪ್ನ (Kotak Mahindra Group) CSR ಕಾರ್ಯಕ್ರಮವಾಗಿದ್ದು, ಇದನ್ನು ಕೊಟಕ್ ಎಜುಕೇಶನ್ ಫೌಂಡೇಶನ್ (Kotak Education Foundation) ಜಾರಿಗೊಳಿಸುತ್ತಿದೆ. Buddy4Study ಪೋರ್ಟಲ್ ಮೂಲಕ ಅರ್ಜಿಗಳನ್ನು ಸ್ವೀಕರಿಸಲಾಗುತ್ತದೆ. ಭಾರತದಾದ್ಯಂತ ಇರುವ ಅರ್ಹ ಹೆಣ್ಣುಮಕ್ಕಳು ಅರ್ಜಿ ಸಲ್ಲಿಸಬಹುದು.
ಕೊಟಕ್ ಕನ್ಯಾ ಸ್ಕಾಲರ್ಶಿಪ್ಗೆ ಯಾರು ಅರ್ಹರು? (Eligibility)
ಈ ಶಿಷ್ಯವೇತನಕ್ಕೆ ಅರ್ಜಿ ಸಲ್ಲಿಸಲು ಕೆಳಗಿನ ಷರತ್ತುಗಳನ್ನು ಪೂರೈಸಬೇಕು:
- ಅಭ್ಯರ್ಥಿಯು ಭಾರತೀಯ ವಿದ್ಯಾರ್ಥಿನಿಯಾಗಿರಬೇಕು.
- 12 ನೇ ತರಗತಿಯಲ್ಲಿ (PUC) ಕನಿಷ್ಠ %75 ಅಂಕಗಳು ಅಥವಾ ಅದಕ್ಕೆ ಸಮಾನವಾದ CGPA ಗಳಿಸಿರಬೇಕು.
- ಕುಟುಂಬದ ವಾರ್ಷಿಕ ಆದಾಯ ₹6,00,000 ಕ್ಕಿಂತ ಹೆಚ್ಚಿರಬಾರದು.
- 2026-27 ರ ಶೈಕ್ಷಣಿಕ ವರ್ಷದಲ್ಲಿ NIRF ಅಥವಾ NAAC ಮಾನ್ಯತೆ ಪಡೆದ ಸಂಸ್ಥೆಯಲ್ಲಿ ವೃತ್ತಿಪರ ಪದವಿ ಕೋರ್ಸ್ನ (Professional Graduation Course) ಮೊದಲ ವರ್ಷಕ್ಕೆ ಪ್ರವೇಶ ಪಡೆದಿರಬೇಕು.
- ಅರ್ಹ ಕೋರ್ಸ್ಗಳು: ಇಂಜಿನಿಯರಿಂಗ್, MBBS, ಇಂಟಿಗ್ರೇಟೆಡ್ LLB (5 ವರ್ಷಗಳು), ಇಂಟಿಗ್ರೇಟೆಡ್ BS-MS/BS-Research, IISER, IISc ಬೆಂಗಳೂರು ಕೋರ್ಸ್ಗಳು, ಆರ್ಕಿಟೆಕ್ಚರ್, ಡಿಸೈನಿಂಗ್ ಮತ್ತು ಇತರ ವೃತ್ತಿಪರ ಪದವಿಗಳು.
- ಕೊಟಕ್ ಮಹೀಂದ್ರಾ ಗ್ರೂಪ್, ಕೊಟಕ್ ಎಜುಕೇಶನ್ ಫೌಂಡೇಶನ್ ಅಥವಾ Buddy4Study ನೌಕರರ ಮಕ್ಕಳಿಗೆ ಅರ್ಜಿ ಸಲ್ಲಿಸಲು ಅರ್ಹತೆಯಿರುವುದಿಲ್ಲ.
ಅರ್ಹತೆಯ ಒಂದು ನೋಟ (Eligibility Snapshot)
| ವಿವರಗಳು | ಅರ್ಹತಾ ಮಾನದಂಡಗಳು |
| ಕನಿಷ್ಠ ಅಂಕಗಳು | %75 |
| ಕುಟುಂಬದ ವಾರ್ಷಿಕ ಆದಾಯ | ≤ ₹6,00,000 |
| ಸ್ಕಾಲರ್ಶಿಪ್ ಮೊತ್ತ | ವರ್ಷಕ್ಕೆ ₹1.5 ಲಕ್ಷ |
| ಅರ್ಹ ಕೋರ್ಸ್ಗಳು | ಇಂಜಿನಿಯರಿಂಗ್, MBBS, ಆರ್ಕಿಟೆಕ್ಚರ್, ಡಿಸೈನ್, ಇಂಟಿಗ್ರೇಟೆಡ್ ಕೋರ್ಸ್ಗಳು ಇತ್ಯಾದಿ |
ಶಿಷ್ಯವೇತನದ ಮೊತ್ತ ಮತ್ತು ಬಳಕೆಯ ವಿವರಗಳು
ಆಯ್ಕೆಯಾದ ಪ್ರತಿಯೊಬ್ಬ ವಿದ್ಯಾರ್ಥಿನಿಗೆ ಕೋರ್ಸ್ ಮುಗಿಯುವವರೆಗೆ ಪ್ರತಿ ವರ್ಷ ₹1.5 ಲಕ್ಷ ನೀಡಲಾಗುತ್ತದೆ.
ಈ ಮೊತ್ತವನ್ನು ಬೋಧನಾ ಶುಲ್ಕ (Tuition Fee), ಹಾಸ್ಟೆಲ್ ಶುಲ್ಕ, ಲ್ಯಾಪ್ಟಾಪ್, ಇಂಟರ್ನೆಟ್, ಸಾರಿಗೆ, ಪುಸ್ತಕಗಳು ಮತ್ತು ಸ್ಟೇಷನರಿ ವೆಚ್ಚಗಳಿಗೆ ಬಳಸಿಕೊಳ್ಳಬಹುದು. ಸ್ಕಾಲರ್ಶಿಪ್ ಮೊತ್ತ ಮತ್ತು ಅಂತಿಮ ಆಯ್ಕೆಯು ಸಂಪೂರ್ಣವಾಗಿ ಕೊಟಕ್ ಎಜುಕೇಶನ್ ಫೌಂಡೇಶನ್ ನಿರ್ಧಾರಕ್ಕೆ ಒಳಪಟ್ಟಿರುತ್ತದೆ.
ಅಗತ್ಯವಿರುವ ದಾಖಲೆಗಳು (Documents Required)
ಅರ್ಜಿ ಸಲ್ಲಿಸುವಾಗ ಈ ಕೆಳಗಿನ ದಾಖಲೆಗಳನ್ನು ಅಪ್ಲೋಡ್ ಮಾಡಬೇಕಾಗುತ್ತದೆ:
- 12 ನೇ ತರಗತಿಯ (PUC) ಅಂಕಪಟ್ಟಿ
- ಪೋಷಕರ ಆದಾಯ ಪ್ರಮಾಣಪತ್ರ
- ITR (FY 2025-26, ಲಭ್ಯವಿದ್ದರೆ)
- ಕಾಲೇಜು ಫೀಸ್ ಸ್ಟ್ರಕ್ಚರ್ (2026-27)
- ಬೋನಾಫೈಡ್ ವಿದ್ಯಾರ್ಥಿ ಪ್ರಮಾಣಪತ್ರ (Bonafide Certificate)
- ಕಾಲೇಜು ಸೀಟ್ ಹಂಚಿಕೆ ದಾಖಲೆ (Seat Allotment Document)
- ಪ್ರವೇಶ ಪರೀಕ್ಷೆಯ ಸ್ಕೋರ್ಕಾರ್ಡ್ (Entrance Exam Scorecard)
- ಮಾಸ್ಕ್ ಮಾಡಿದ ಆಧಾರ್ ಕಾರ್ಡ್
- ಬ್ಯಾಂಕ್ ಪಾಸ್ಬುಕ್
- ಪಾಸ್ಪೋರ್ಟ್ ಅಳತೆಯ ಭಾವಚಿತ್ರ
- ಅಂಗವಿಕಲತೆಯ ಪ್ರಮಾಣಪತ್ರ (ಅನ್ವಯಿಸಿದರೆ ಮಾತ್ರ)
- ತಾಯಿ ಅಥವಾ ತಂದೆಯ ಮರಣ ಪ್ರಮಾಣಪತ್ರ (ಏಕ ಪೋಷಕರು/ಅನಾಥರಾಗಿದ್ದರೆ)
- ಮನೆಯ ರೇಖಾಚಿತ್ರ/ಫೋಟೋಗಳು
ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವುದು ಹೇಗೆ?
ಅರ್ಜಿ ಸಲ್ಲಿಕೆಯು ಸಂಪೂರ್ಣವಾಗಿ ಆನ್ಲೈನ್ನಲ್ಲಿ ಮಾತ್ರ ಇರುತ್ತದೆ.
- Buddy4Study ವೆಬ್ಸೈಟ್ಗೆ ಭೇಟಿ ನೀಡಿ ಅಥವಾ ಅಧಿಕೃತ ಪುಟದಿಂದ ‘Apply Now’ ಕ್ಲಿಕ್ ಮಾಡಿ.
- ನಿಮ್ಮ ನೋಂದಾಯಿತ ID ಯೊಂದಿಗೆ ಲಾಗಿನ್ ಮಾಡಿ. ಇಲ್ಲದಿದ್ದರೆ ಇಮೇಲ್ ಅಥವಾ ಮೊಬೈಲ್ ಸಂಖ್ಯೆಯೊಂದಿಗೆ ಹೊಸದಾಗಿ ನೋಂದಾಯಿಸಿ.
- ‘Kotak Kanya Scholarship 2026-27’ ಅರ್ಜಿ ಪುಟಕ್ಕೆ ತೆರಳುತ್ತೀರಿ.
- ‘Start Application’ ಕ್ಲಿಕ್ ಮಾಡಿ, ಅಗತ್ಯವಿರುವ ವಿವರಗಳನ್ನು ಭರ್ತಿ ಮಾಡಿ.
- ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
- ನಿಯಮಗಳು ಮತ್ತು ಷರತ್ತುಗಳನ್ನು (Terms and Conditions) ಒಪ್ಪಿಕೊಂಡು Preview ಪರಿಶೀಲಿಸಿ.
- ಎಲ್ಲಾ ವಿವರಗಳು ಸರಿಯಿದ್ದರೆ Submit ಮಾಡಿ.
ಅಧಿಕೃತ ಅರ್ಜಿ ಲಿಂಕ್: https://www.buddy4study.com/page/kotak-kanya-scholarship
ಆಯ್ಕೆ ಪ್ರಕ್ರಿಯೆ (Selection Process)
ಮೊದಲಿಗೆ ಶೈಕ್ಷಣಿಕ ಅರ್ಹತೆ ಮತ್ತು ಹಣಕಾಸಿನ ಹಿನ್ನೆಲೆಯ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ಶಾರ್ಟ್ಲಿಸ್ಟ್ ಮಾಡಲಾಗುತ್ತದೆ. ನಂತರ ಶಾರ್ಟ್ಲಿಸ್ಟ್ ಆದ ವಿದ್ಯಾರ್ಥಿನಿಯರಿಗೆ ಎರಡು ಹಂತಗಳ ಸಂದರ್ಶನ (Interview) ಇರುತ್ತದೆ. ಅಂತಿಮ ಆಯ್ಕೆಯು ರ್ಯಾಂಕ್ ಪಟ್ಟಿ ಮತ್ತು ಕೊಟಕ್ ಎಜುಕೇಶನ್ ಫೌಂಡೇಶನ್ ನಿರ್ಧಾರದ ಮೇಲೆ ಆಧಾರಿತವಾಗಿರುತ್ತದೆ.
ಈ ಸ್ಕಾಲರ್ಶಿಪ್ಗೆ ಅರ್ಜಿ ಸಲ್ಲಿಸುವುದು ಸೂಕ್ತವೇ?
ವರ್ಷಕ್ಕೆ ₹1.5 ಲಕ್ಷ ಶಿಷ್ಯವೇತನ ದೊರೆಯುವುದು ಅತ್ಯುತ್ತಮ ಅವಕಾಶವಾಗಿದೆ. ವೃತ್ತಿಪರ ಕೋರ್ಸ್ಗಳ ಶುಲ್ಕ ಹೆಚ್ಚಿರುವುದರಿಂದ ಇದು ವಿದ್ಯಾರ್ಥಿನಿಯರಿಗೆ ಶೈಕ್ಷಣಿಕವಾಗಿ ತುಂಬಾ ನೆರವಾಗುತ್ತದೆ. ಆದರೆ ಆಯ್ಕೆ ಪ್ರಕ್ರಿಯೆಯಲ್ಲಿ ಸ್ಪರ್ಧೆ ಹೆಚ್ಚಿರುತ್ತದೆ. %75 ಅಂಕಗಳು ಮತ್ತು ಆದಾಯದ ಮಿತಿ ಎರಡೂ ಅಗತ್ಯ. ಸಂದರ್ಶನ ಇರುವುದರಿಂದ ಕೇವಲ ಅಂಕಗಳಷ್ಟೇ ಸಾಲದು.
ನಿಮಗೆ ಅರ್ಹತೆಯಿದ್ದರೆ ತಡಮಾಡದೇ ತಕ್ಷಣವೇ ಅರ್ಜಿ ಸಲ್ಲಿಸಿ. ಕೊನೆಯ ದಿನಾಂಕ ಹತ್ತಿರವಿರುವುದರಿಂದ ಅಗತ್ಯ ದಾಖಲೆಗಳನ್ನು ಸಿದ್ಧಪಡಿಸಿಕೊಂಡು ಬೇಗನೆ ಸಬ್ಮಿಟ್ ಮಾಡಿ. ತಾಜಾ ವಿವರಗಳಿಗಾಗಿ ಅಧಿಕೃತ ವೆಬ್ಸೈಟ್ ಅನ್ನು ಪರಿಶೀಲಿಸಿ.