ಬೆಂಗಳೂರು: ನಿಮ್ಮ ರೇಷನ್ ಕಾರ್ಡ್‌ನಲ್ಲಿರುವ ಎಲ್ಲರ ಇ-ಕೆವೈಸಿ ಆಗಿದೆಯಾ? ಇಲ್ಲದಿದ್ದರೆ ಇನ್ನು ಸಮಯ ಹೆಚ್ಚಿಲ್ಲ. ರಾಜ್ಯದಲ್ಲಿ ಪಡಿತರ ಚೀಟಿ ಹೊಂದಿರುವ ಕುಟುಂಬಗಳಿಗೆ ಆಹಾರ ಇಲಾಖೆ ಮಹತ್ವದ ಎಚ್ಚರಿಕೆ ನೀಡಿದ್ದು, ಮರು ಇ-ಕೆವೈಸಿ ಪೂರ್ಣಗೊಳಿಸಲು ನವೆಂಬರ್ 10 ಅಂತಿಮ ದಿನ ಎಂದು ತಿಳಿಸಿದೆ.
Read More: ಗೃಹಲಕ್ಷ್ಮಿ ಫಲಾನುಭವಿಗಳಿಗೆ ದೀಪಾವಳಿ ಗುಡ್‌ನ್ಯೂಸ್: 3 ಕಂತುಗಳ ಹಣ ಒಟ್ಟಿಗೆ ಬಿಡುಗಡೆ, ₹6,000 ಜಮೆ
ಎಷ್ಟು ಜನರ ಇ-ಕೆವೈಸಿ ಬಾಕಿ ಇದೆ?
ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಅಂಕಿಅಂಶ ಹೀಗಿದೆ:
- ಇ-ಕೆವೈಸಿ ಮಾಡಿಸಬೇಕಾದವರು: 2,67,64,276 ಫಲಾನುಭವಿಗಳು
- ನ.3ರ ಅಂತ್ಯಕ್ಕೆ ಪೂರ್ಣಗೊಳಿಸಿದವರು: 2,26,30,747 ಜನ
- ಇನ್ನೂ ಬಾಕಿ ಇರುವವರು: 41,33,529 ಜನ
ನ.10ರ ನಂತರ ಏನಾಗುತ್ತೆ?
ಈ ಗಡುವನ್ನು ಈಗಾಗಲೇ ಒಮ್ಮೆ ವಿಸ್ತರಿಸಲಾಗಿದೆ. ನ.10ರ ನಂತರ ಮತ್ತೆ ವಿಸ್ತರಣೆ ಮಾಡುವುದಿಲ್ಲ ಎಂದು ಇಲಾಖೆ ಸ್ಪಷ್ಟಪಡಿಸಿದೆ. ಗಡುವಿನೊಳಗೆ ಇ-ಕೆವೈಸಿ ಮಾಡಿಸದವರ ವಿರುದ್ಧ ನಿಯಮಾನುಸಾರ ಕ್ರಮ ತೆಗೆದುಕೊಳ್ಳಲಾಗುತ್ತದೆ, ಇದರಿಂದ ಪಡಿತರ ಸೌಲಭ್ಯಕ್ಕೂ ತೊಂದರೆಯಾಗುವ ಸಾಧ್ಯತೆ ಇದೆ.
ಮೊಬೈಲ್‌ನಲ್ಲೇ ಇ-ಕೆವೈಸಿ ಮಾಡೋದು ಹೇಗೆ?
ಮನೆಯಲ್ಲೇ ಕುಳಿತು “ಅನ್ನ ಸೇವೆ” (Anna Seva) ಆ್ಯಪ್ ಮೂಲಕ ಇ-ಕೆವೈಸಿ ಮಾಡಬಹುದು. ಹಂತಗಳು ಹೀಗಿವೆ:
- ಅನ್ನ ಸೇವೆ ಆ್ಯಪ್ ತೆರೆಯಿರಿ.
- “ಸ್ವಯಂ/ನಾಗರಿಕ” ಆಯ್ಕೆ ಮಾಡಿ.
- ನಿಮ್ಮ ಜಿಲ್ಲೆಯನ್ನು ಆಯ್ಕೆ ಮಾಡಿ, ರೇಷನ್ ಕಾರ್ಡ್ ಸಂಖ್ಯೆ ನಮೂದಿಸಿ.
- ಕಾರ್ಡ್‌ಗೆ ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆ ಹಾಕಿ, ಒಟಿಪಿ ಪಡೆಯಿರಿ.
- ಒಟಿಪಿ ನಮೂದಿಸಿದರೆ ಕುಟುಂಬದ ಸದಸ್ಯರ ವಿವರಗಳು ಕಾಣಿಸುತ್ತವೆ.
- ಇ-ಕೆವೈಸಿ ಬಾಕಿ ಇರುವ ಸದಸ್ಯರನ್ನು ಆಯ್ಕೆ ಮಾಡಿ.
- ಸಹಾಯಕ ಆ್ಯಪ್‌ಗಳ ನೆರವಿನಿಂದ ಮುಖ ಗುರುತಿಸುವಿಕೆ (Face Recognition) ಪೂರ್ಣಗೊಳಿಸಿ.
- ಎಲ್ಲವೂ ಸರಿಯಾದರೆ “ಇ-ಕೆವೈಸಿ ಯಶಸ್ವಿ” ಎಂಬ ಸಂದೇಶ ಬರುತ್ತದೆ.
ಸ್ಮಾರ್ಟ್‌ಫೋನ್ ಇಲ್ವಾ? ರೇಷನ್ ಅಂಗಡಿಗೆ ಹೋಗಿ
ಮೊಬೈಲ್‌ನಲ್ಲಿ ಮಾಡಲು ಸಾಧ್ಯವಾಗದವರು ಹತ್ತಿರದ ನ್ಯಾಯಬೆಲೆ ಅಂಗಡಿಗೆ ಹೋಗಬಹುದು. ಅಲ್ಲಿನ ಸಿಬ್ಬಂದಿ “AHARA” ತಂತ್ರಾಂಶದ ಮೂಲಕ ಇ-ಕೆವೈಸಿ ಪ್ರಕ್ರಿಯೆ ಮಾಡಿಕೊಡುತ್ತಾರೆ.
ಕೊನೆಯ ದಿನದವರೆಗೆ ಕಾಯಬೇಡಿ
ಕುಟುಂಬದ ಎಲ್ಲಾ ಸದಸ್ಯರ ಇ-ಕೆವೈಸಿ ಸ್ಥಿತಿ ಈಗಲೇ ಪರಿಶೀಲಿಸಿ. ಯಾರದಾದರೂ ಬಾಕಿ ಇದ್ದರೆ ಆದಷ್ಟು ಬೇಗ ಮುಗಿಸಿಕೊಳ್ಳಿ.
Read More: ಗೃಹಲಕ್ಷ್ಮಿ ಫಲಾನುಭವಿಗಳಿಗೆ ದೀಪಾವಳಿ ಗುಡ್‌ನ್ಯೂಸ್: 3 ಕಂತುಗಳ ಹಣ ಒಟ್ಟಿಗೆ ಬಿಡುಗಡೆ, ₹6,000 ಜಮೆ: ರೇಷನ್ ಕಾರ್ಡ್ ಇ-ಕೆವೈಸಿ ಮಾಡಿಸಿಲ್ವಾ? ನ.10 ಕೊನೆಯ ದಿನ, ಇನ್ನು ವಿಸ್ತರಣೆ ಇಲ್ಲ!